Үндэсний тэтгэврийн даатгалын үр өгөөж

Тэтгэврийн даатгалын онцлог

Тэтгэврийн мөнгөний үнэ цэнэ баталгаатай

Тэтгэврийн мөнгөнд нь тухайн жилийн барааний үнийн индексийг жил бүр тусган оруулдаг тул бараа бүтээгдэхүүний үнэ өссөн ч тэтгэврийн мөнгө тэр хэмжээгээр бодит байдаг.

Тэтгэврийн даатгалын төлбөр баталгаатай

Хөдөлмөр хийх чадвараа алдсан эсвэл орлого багассан үед даатгуулагч өөрт нь болон ар гэр бүлд нь амжиргаа залгуулах тэтгэвэр олгодог тул орлогыг хамгаалж өгдөг.

Тэтгэвэр олголтыг төр хариуцсан учир найдвартай

Үндэсний тэтгэврийн даатгал нь төрийн үйлчилгээ учир өндөр насны орлогоо бэлдэх хамгийн найдвартай арга юм.

Даатгалд хамрагдсан хугацааг нэмэх боломжтой кредит систем

Төрөөс өндөр насны тэтгэвэр авах нөхцөлийг бүрдүүлж өгөх зорилгоор хүүхэд төрүүлсэн, цэргийн алба хаасан, ажилгүй байсан хугацааг нэмж бодож өгөх кредит систем юм.

▸ Хүүхэд төрүүлсний кредит:хоёр буюу түүнээс дээш хүүхэд төрүүлсэн тохиолдолд

Хүүхэд төрүүлсний кредит:

Хүүхдийн тоо	2	3	4	5-аас дээш хүүхэдтэй
нэмэх хугацаа	12сар	30 сар	48 сар	50 сар

Цэргийн алба хаасны кредит:цэргийн алба гүйцэт хаасан тохиолдолд 6 сар нэмж өгөх

Ажилгүйдлийн кредит:ажилгүйдлийн даатгалд хамрагдсан даатгуулагч ажилгүй байх хугацаандаа тэтгэврийн даатгалын шимтгэлийг төлөх хүсэлт гаргавал даатгалын шимтгэлийн (25%) ийг даатгуулагч өөрөө төлж, үлдсэн шимтгэлийн төлбөрийг (75% )төр төлж, дээд тал бүтэн 1жил хүртэлх хугацаагаар даатгалын хугацаагаа нэмэх боломжтой.

Тэтгэврийн даатгалын төлбөрийн төрөл

1. Өндөр насны тэтгэвэр

Өндөр насны тэтгэвэр нь Үндэсний тэтгэврийн даатгалын үндсэн төлбөр бөгөөд даатгуулагч өндөр настай болох ажил хөдөлмөр эрхлэх боломжгүй болсон үед амжиргааны аюулгүй байдлыг хамгаалж нийгмийн халамжийн үйлчилгээг хүргэх зорилготой төлбөр учир даатгуулсан хугацаа ( шимтгэл төлсөн )10 жил буюу түүнээс дээш бол 60 наснаас хойш ( эрт нэхэмжлэх бол 55 нас ) насан туршид нь тэтгэвэр олгоно.

Өндөр насны тэтгэвэр авах насны байдалаар

Өндөр насны тэтгэвэр авч эхлэх нас:

Өндөр насны тэтгэвэр авч эхлэх нас

төрсөн он	өндөр насны тэтгэвэр авах нас
	тэтгэвэр нэхэмжлэх нас	эрт нэхэмжлэх нас	хуваасан тэтгэвэр
өмнө ~ 1952	60	55	60
1953 ~ 1956	61	56	61
1957 ~ 1960	62	57	62
1961 ~ 1964	63	58	63
1965 ~ 1968	64	59	64
1969 ~	65	60	65

Өндөр насны тэтгэвэр нь даатгуулсан хугацаа, нас, орлого олж буй байдал зэргээс хамаараад өндөр насны тэтгэвэр, эрт нэхэмжилсэн тэтгэвэр гэж хуваадаг.

Орлого олж буй байдлаас хамаарч авах тэтгэврийн мөнгөн дүн

өөрчилөгдөнө
Даатгуулсан хүний сарын дундаж орлого нь үндэсний тэтгэврийн даатгалын нийт даатгуулагчидийн сарын дундаж орлогоос их байх бол орлого олсон хугацаанаас хамааран 5 хүртэл жилийн хугацаанд багасгасан дүнгээр тэтгэвэр олгоно. (2015. 7. 29 хойш тэтгэвэр авч буй хүнд үйлчилнэ.)

• ※ Багасгасан дүн нь сарын тэтгэврийн мөнгөн хэмжээний хоёрны нэгээс хэтрэхгүй.
• ※ Тэтгэвэрээ нэхэмжлэхэд даатгуулагчийн өөрийн мэдүүлсэн орлого дээр үндэсний татварын албанд өгсөн орлогын тайлан дээр тулгуурлан бодно.

Тэтгэвэр хуваах

Тэтгэвэр хуваах тогтолцоо нь гэр бүлийн эхнэр буюу нөхөр нь хамт амьдарсан хугацаанд сэтгэлээ санаа болон эд материалын дэмжлэг үзүүлсэн хэмжээнд ноогдох тэтгэврийг хуваан авах эрхтэй бөгөөд салсан эхнэр буюу нөхрийн амьжиргааг хамгаалах зорилготой болно.

※ Тэтгэврээ хуваах хүсэлт гаргавал өндөр насны тэтгэврийн мөнгөн дүнгээс ноогдох хэмжээгээр хуваан олгоно.

Тэтгэвэр авах насаа хойшлуулан тэтгэврийн мөнгөө нэмэх

Өндөр насны тэтгэвэр авах насанд хүрээд авах тэтгэврийн сарын мөнгөө бүтнээр нь буюу хэсэгчлэн сунгах боломжтой (50%, 60%, 70%, 80%, 90%). Тэтгэвэр авах насаа хойшуулах хүсэлт гаргасан тохиолдолд жилд 7.2 %(сард 0.6 %) тэнцэх хүүг тэтгэврийн мөнгөн дээр нэмж олгоно.

※ Тэтгэвэр авах эрх үүссэнээс хойш дээд хугацаа нь 5 хүртэл жилээр сунгах боломжтой.

2. Тахир дутуугийн тэтгэвэр

Даатгуулагч иргэн хүнд өвчин тусах, хүндээр гэмтэж бэртсэний улмаас бие махбодийн хувьд эсхүл сэтгэл санааны хувьд хөдөлмөрийн чадвараа алдсан тохиолдолд даатгуулагч өөрт нь болон ар гэр бүлд нь амьжиргааны аюулгүй байдлыг хангах зорилгоор тахир дутуугийн тэтгэвэр олгодог. Хөдөлмөрийн чадвараа алдсан хувь хэмжээгээр (1~ 4 зэрэг) хувааж ноогдох тэтгэврийг олгодог.

3. Тэжээгчээ алдсаны тэтгэвэр

Даатгуулагч иргэн тодорхой хугацаанд шимтгэл төлсөн байх эсвэл өндөр насны тэтгэвэр авдаг эсвэл тахир дутуугийн 2-р дээш зэрэгтэй даатгуулагч иргэн нас барсан тохиолдолд ар гэр бүлд нь тэжээгчээ алдсаны тэтгэвэр гэж үндсэн ноогдох тэтгэврийн мөнгөн дээр хүүхдийн мөнгө нэмж бодож олгодог.

4. Нэг удаагийн буцаан олголт

Тухайн даатгуулагч 60 нас хүрэхийн өмнө барсан, харьяаллаас гарсан, гадаад оронд цагаачилсан зэрэг шалтгааны улмаас үндэсний тэтгэврийн тогтолцоонд хамрагдаж, өндөр насны тэтгэвэр авах боломжгүй тохиолдолд нийт төлсөн даатгалын шимтгэл хүүгийн хамт буцаан олгоно.

5. Давхардсан тэтгэвэр

Нэг иргэн хоёр буюу түүнээс дээш тэтгэвэр авах хүсэлт гаргасан тохиолдолд түүний өөрийн сонгосны дагуу аль нэгийг нь олгох ба сонгоогүй үлдсэн тэтгэврийг бүхэлд нь буюу хэсэгчлэн түдгэлзүүлнэ.

Хянан шалгах

Хилийн чанададаас тэтгэврийн төлбөр авдаг хүний авах эрхийг тогтмол шалгадаг

Хилийн чанадад оршин суугаа Солонгос улсын иргэн мөн үндэсний тэтгэврийн даатгалын төлбөр авдаг гадаадын иргэн БНСУ-ын үндэсний тэтгэврийн тухай хуулийн 121, 122 дугаар зүйлд заасны дагуу тухайн тэтгэвэр авагчийн төрсөн өдөр тохиох улирал бүрд тэтгэвэр авах эрх хангаж байгаа эсэхийг тогтмол шалгана.
Тухайн хүн тэтгэврийн төлбөр авах эрх хангаж буй эсэхийг нотлох баримт бичгийг заасан хугацааны дотор (төрсөн өдөр нь тохиож буй улирлын хоёр дахь сард) хүргүүлээгүй бол төлбөр олголтыг түр хугацаагаар түдгэлзүүлнэ. Ийнхүү түдгэлзүүлснээс хойш хоёр жилийн хугацаанд холбогдох баримт бичгийг хүргүүлэхгүй тохиолдолд түдгэлзүүлсэн хугацаанаас эхлэн тэтгэвэр тэтгэмжийн олголтыг зогсооно.

※ Түдгэлзүүлсэн хугацааны тэтгэврийн төлбөрийг нөхөн олгохгүй.